بلاغ لمحافظ القليوبية:أنقطاع الكهرباء بالايام بقرية دجوى مشكلة متكرره

بعد سقوط الامطار

كتب – ياسر كامل:

بلاغ لمحافظ القليوبية يقدمه أهالى قرية دجوى مركز بنها التابعة لمحطة كهرباء طوخ .. من تكرار أنقطاع الكهرباء لأيام كل موسم الشتاء من كل سنة.

يقول محمد عادل بقالنا سنين على هذا الوضع كل سنة كل شتاء بيحصل كده.

يوم ما يحصل مطر الكهرباء لازم لازم لازم ٩٩٪ تقطع مبتجيش بقي بعدها مثلا بنص ساعه ولا عشر دقايق ولا حاجة لا بتفضل بالايام قاطعه يومين وتلاتة بتفضل قاطعه متواصله .

وأشار إلى يوم مايكون فيه مطر الكهرباء بتقطع بالايام دجوى مركز مدينة بنها القليوبيه.

نناشد محافظ القليوبية فى حل مشكلة الكهرباء قاطعه في اكتر من سبع بلاد عمومى مش مشكلة عندنا دا بيبقي تبع المحطة نفسها محطة طوخ.

واكد الحاج فتحى طاهر احنا دلوقتى ٢٠١٩ لسه لحد دلوقتى بيحصل الكلام ده.

ليه مفيش تطور ليه كل سنة نتعذب في الشتاء ونعانى باستمرار الانقطاع.

وقال فى بلاد وقري جنبنا تبع محطة بنها وشغاله ٢٤ ساعه حتى والمطر شغال اشمعنا بلاد اللى ع نفس محطتنا هما بس ال بيقطعوا عنهم الكهرباء.. لا اكيد في حاجة غلط وكمان الموضوع من زمان لم يتغير.

يقول محمد عادل الكهرباء قطعت أمس منذ سقوط الامطار، ولم تعد  من امبارح.

واشار أن الموضوع بيتكرر كل مره تمطر يتم قطع الكهرباء وتظل بالايام حتى تعود .

وقال أحنا نعيش فى الظلام لأيام بسبب محطة طوخ وعلى نفس الخط هتلاقي الكهرباء قاطعه عندهم زينا بردو زى البلاد دى.. بلتان .. الصفا .. العمار.

بلاغ لمحافظ القليوبية من ١٠٠ الف نسمه

ولكن دجوى البلد تبع مركز مدينة بنها دجوى فيها حوالى ١٠٠ الف نسمه ياريت حل للمشكلة دى

عندنا ٥ مدارس ومعهد دينى و عندنا العمدة اسمه احمد الشاذلى عمدة دجوى

وأكد فادى السيد اما موبايلى 2% نفسي الكهرباء تيجى علشان أشحن الموبايل ، وقال لو حدفينا تعب مش هنعرف نتصل بالاسعاف ولا بالنجدة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق